Saturday, May 23, 2009

Анхааруулж байна П…. минь. Мартвал буудна




Анхааруулж байна П…. минь.Мартвал буудна

Сонгуулиар АНам луйвар хийсэн ч бид хоорондоо эвтэй байцгаая. Жагсаад хөгжихгүй эвтэй байвал хөгжинө. Одоо хүн бүр дор бүрнээ өөрт ноогдсон ажлаа л хийвэл монгол хөгжинө. Ажлаа л хий бусадтайгаач дэмий ярилцах хэрэггүй.

Сонгосон ажлаа биш шүү. Ноогдсоон ажлаа л хийцгээе. Гутлаа өдөр бүр гялалзтал сайн тослоод, 30 минут дутам шороог нь арчаад, үсээ мартав, гэхдээ хойш нь самна, хүн бүр орцоо савандаж угаан, хоёр хоёр мод таривал монгол улс хөгжинө. Машингүй хүмүүс гудамжинд алхаж явахдаа өдөр бүр хармаагаа дүүртэл хог түүвэл Монгол эх орн минь улам хурдан хөгжинө.

Над бол бөөрөнхийлөгчийн ажил ноогдсон тул БИ хэнтэй ч ярилгүй өөрийн л ажлаа хийж байна. Малчид малаа сайн хариулаад, тариаланчид тариагаа сайн тариад, гуталчид сайн зан тавиад, манай хятадын барилгчид барилгаа сайн бариад, манай канадууд алтаа сайн ухаад байвал монгол улс цэнгэлийн манлайг олж дараагийн 4 жилд цалин 10 дахин нэмэгдэнэ, юмны үнэ ч 10 дахин нэмэг… аа уучлаарай.

Чулуу шидэж, архи ууж согтуугаар бууны сумны өмнүүр гүйж орсон залуусын ар гэрийнхэнд ч НАДТАЙ эвтэй байхыг уриалж байна. БИ зөв зүгээр л ордондоо мөнгө тоолж сууж байгаад 4-хөн хоногийн дотор бууралтчихаад эвтэй л байгаа биз дээ. БИ ногоон нүдтэй шар царайтай ч жинхэнэ Чингэсийн удмын халхын халхын халх хүн.

Долдугаар сарын 1-ийг турхирчхаад над шиг уучлал гуйсан шударга хүн байхгүй. Гэхдээ бид одоо ярих биш хийх хэрэгтэй. Хийцгээе буудацгаая. Буудах шийдвэрийг БИ ганцаар гаргаагүй. Их хурлаар хэлэлцээд АН адилхан баталчихаад…

ХЗ хоршооны Гэрэлтүмэн, Хон-хэрээдэйн Батэнхийг, Гаалийн Тарбааг БИ огт танихгүй, урд нь харж байгаачгүй. БИ алуурчин, авилгалчидтай найзалдаггүй. Тийм нөхдийг шоронд хорьж цаазаар авах нь зөв. БИ шударга хүн. Шударга л байцгаая. Их дүргүй хүргээд байвал шудраад л буудаад л орхино шүү. Намайг тэдэнтэй хамт авхуулсан гээд байгаа фото зураг бол цэвэр эвлүүлэг.

Хэвлэх үйлдвэрийн хуучин барилгыг намайг авсан гэж олон жил гүжирдлээ. Энэ бол над огт хамаагүй. Монцолын дүү л авсан гэж сонссон шиг санагдаж байна. Гэхдээ БИ мянгуужингийн зам, шинэ “гэр бүл”-ийн 500 сая… уучлаарай 500 мянга, “их өр” зэрэг олон асуудлыг шинээр санаачилж шийдсэн. Намайг сонгох аваас маргааш нь бүх лицензийг хураан авч монгол хүн бүрт тараана. Траншейныхан ч хогчид ч лицензтэй байх эрхтэйг үндсэн гуульд заасан байгаа. Үндсэн гуулиа хүндэтгэе.

Энэтхэгийн их хүн Неру өөрөө чихэр иддэг байхдаа шүдэнд хортой гэж хэлдэггүй байснаа чихэрнээс гарснаасаа хойш хэлдэг болсон. Та минь авилга аюултай шүү. Авилгалтай тэмцье. Намайг монголын бүх рашаан сувиллын газрыг авсан гэж гүжирдэж байна. БИ биш Барнам гэдэг хүн. Миний эцэг гэгддэг байх. Гэхдээ энэ хүн бүх монголчуудыг үнэгүй сувилах гэж авсан гэсэн. 9ТВ-ийн эзэн Батэнх, Мэдээ зууны эзэнг Хуягболд гэдгийг монголчууд бүгд мэднэ. Намайг л гэж гүжирдээд байна энэ Доржэлбэг.

Хэрэв манай эхнэр Монцолын шведийн дансанд үнэхээр тийм бага мөнгө байгаа нь үнэн бол БИ ард түмэндээ сонгогдсоныхоо дараа бэлэг болгон тараана. Гэхдээ манай Нам Монцолыг тийм дансгүйг баталсан. Барбаа намайг улсаасаа баян бөөрөнхийлөгч гэж гүжирдээд байгаам. Барбаа монгол улсын хөрөнгийг зөвхөн валютын нөөцөөр нь тодорхойлоод л харьцуулаад байгаа юм. Доржэлбэгээс бүр жижигхэн тул ухаан нь хүрэхгүй байна.

4 сар хоригдсон Ялалт-батын жишгээр намуудтай гэрээ байгуулж бичиг цаасаар байлдъя. Цаасаар байлдъя. Одоо хийцгээе. БИ дахин сонгогдвол ямаачдын, үхэрчдийн, бас үнээчдийн, бас бага насны хүүхдүүдэд зориулсан тугалчдын огт үнэгүй сургууль байгуулна. Худаг Ганцтай зүйрлэшгүй утас, кабель, интернеттэй, халуун хүйтэн устай үнэгүй ЮУ байгуулна.

Та бүхэн үнэхээр өөрчилье, өөрчлөгдъе гэж байгаа бол ЮУ-нд ор. Хүн үнэхээр өөрчлагддөг юм. Худлаа гэвэл Янбу Сайханжаргалаас асуу. Заавал ЮУ-нд суулгүйгээр өөрчлөгдье гэвэл М.Сайханэнхээс асуу. Хуягболд ч бас ЮУ-нд сууж өөрчлөгдсөн

Би хээгүй Баточир, хийгүй Бандибага, хэлэмгий Доржэлбэг биш хэлгий Баярэнх тул хааяа нэг буруу зөв ойлгомжгүй ярьдгийг минь миний ард түмэн уучлаарай. Над улсын хөрөнгөнөөс хувьдаа авсан зүйл байхгүй, хувьдаа ч машингүй. Худлаа гэвэл үүнийг миний хөрөнгө орлогоо нуусан мэдүүлгээс харж болно.

Доржэлбэг бөөрөнхийлөгчөөр ажиллаж байсан туршлагагүй тул үүнээс хойш зөвхөн туршлагатай хүнээ л дахин дахин сонгоцгооё. БИ сүүлийн 10-аад жилд жил алгасалгүй шилдгийн шилдгийн шилдэг муу улс төрчөөр тодорч байсныг Та бүхэн бүү мартаарай. Мартвал буудна.

Доржэлбэг монголоор яаж ингэж сайн ярьж сурсныг БИ үнэхээр гайхдаг юм. Оросоор БИ ч Доржэлбэг шиг хэлэмгий ярина. Доржэлбэг мөрөн дээрээ толгойтой улс төрч. Толгойгүй нь захаас аваад л байна.. уучлаарай БИ хүзүүгүй л гэж хэлэх гээд байна юм. Хамгийн гол нь Доржэлбэг хамтран зүтгэгчээ чад хийлгэсэн ч түүний талд үйлчлээд байгаа манай хууль шүүхийн байгууллага хөдөлж өгөхгүй байна. Намайг бөөрөнхийлөгчөөр дахин сонговол энэ гаж тогтолцоог яаралтай засна. Доржэлбэгт хариуцлага тооцох болно.

Тэгээд ч БИ Доржэлбэгээс том биетэй, бяртай. Хүлээн авалтан дээр Вэдэвмэдтэй барилцаж авбал БИ л дийлнэ. Доржэлбэг дийлэхгүй. Доржэлбэгийн эхнэрийг хэн ч танихгүй. Харин Монцолыг маань Шведүүдаас эхлээд бүгд таних тул дэлхийд танигдсан намайг сонгоорой. Энэхүү албан бичгийг БИ биш харин зөвхөн Арслан танд монголын цагдаагийн байгууллага гуулинд заасны дагуу таныг л хамгаалах гэж анхааруулах гэж айлгах гэж гардуулж байгаа юм. Энэ бичиг өөр хэнд ч хамааралгүй зүйл.



Монгол Улсын бөөрөнхийлөгч Намбэрван Баярэнх


“Махн” хэлнээс монгол хэл рүү хөрвүүлсэн Шонхдой овогт Гомбосүрэнгийн Арслан

Жич: Миний сурж байсан Германы Веймар хотын ойролцоох ууланд байдаг фашистын Бухенвалдын хорих лагерын өргөст торон хаалганы дээр JEDEM DAS SEINE буюу “хүн бүрд ноогдсоныг” нь гэдэг үг байдаг. Г.А

Monday, May 18, 2009

Ерөнхийлөгчийн швейцарь дахь дансанд 1,3 тэрбум доллар байна

Ерөнхийлөгчийн швейцарь дахь дансанд 1,3 тэрбум доллар байна

Tue May 19, 2009 03:45
1. Сайн байцгаана уу?
Монголчуудаа,
Нутаг нэгт, цуст нэгт ард түмэн минь ээ

Төөрөлдсөн хүү Сүрэнхор би хүний нутагт нуугдаж, зүдэрч яваа ч та бүхнийхээ амрыг эрж, энэ захидлыг тэрлэж байна.
“Үйлдвэр худалдааны төрийн нарийн бичгийн дарга байсан Д.Сүрэнхор” гэхээр бүгд шахуу мэдэж байгаа байх. Зарим нь намайг шууд л луйварчин, хулгайчаар минь дуудаж байгааг ч төсөөлж байна. Миний талаар өчнөөн л бичиж, муу муухайгаар минь ханатал дуудсан болохоор нэр минь хүн бүрт муугаар танил болоо биз дээ.

Гэхдээ мөн чанарыг минь хэн ч мэдэхгүй, таниагүй байгаа. Үнэндээ бол би өөрийгөө тийм ч хүнээ байчихсан, дүүрчихсэн амьтан гэж боддоггүй. Надад ичих нүүр, сэмрэх сэтгэл байдаг юм.

Би эх орноосоо зугтан гарсан тэр өдрөөс хойш өнгөрүүлсөн амьдралаа бодон хичнээн их шаналж, эргэцүүлснийг хэн ч мэдэхгүй. Би буруутай. Би улсын мөнгөнд хуруугаа дүрж, муу хүмүүсийн хөөргөн үгэнд сагаж явсан буруутай. Би буруу хэргийнхээ зэмийг хүртэх ѐстой, түүнээс яагаад ч зайлж чадахгүй гэдгээ өдөр ирэх тусам мэдэрч, үйлийнхээ үрийг эдлэн шимширч суугаа цөхөрсөн эр хүн. Үйлдсэн хэргээ бусдад тохох, зайлсхийх гэсэндээ биш ард түмнээ сэрэмжлүүлэх, анхааруулах ѐстой юм байна гэдгээ ухамсарласны үндсэн дээр би энэ захиаг зүрхэлж бичлээ.

Магадгүй энэ захиа та бүхэнд хүрч, сэрэмжлүүлж чадвал үйлдсэн нүгэл минь бага ч болтугай нимгэрч, үйлийн үр минь хөнгөрөх болвуу гэж бяцхан найдах юм.

Ингээд хэлэх гээд байгаа зүйлдээ оръѐ. 1997 онд МАХН-ын дэргэдэх МАСЗХ-нд орсноор миний тамтай амьдрал эхлэсэн юм. Тэр жил бидний хэсэг сэхээтэн залуус нэгдэн энэ байгууллагыг байгуулж анхны ерөнхийлөгчөөр У.Хүрэлсүх ажилласан. Бид амихандаа улс төрийн карьер хийж, хожим төрийн өндөр албанд томилогдож, очих нууцхан хүсэл тээн цуглаж байсныг одоо нуух хэрэг байхгүй. Тэр цагт биднийг намын боссууд Н.Энхбаяр, Л.Энэбиш, А.Цанжид нар ч дэмжих нэрээр баахан хөөргөж, доргиодог байлаа. Бидний хүслийг тэнгэр бурхан сонссон аятай МАХН үнэмлэхүй ялалт авч манай холбооныхон бүгд шахуу албан тушаалд очсон. Би ҮХЯ-ны төрийн нарийн бичгийн дарга болж, Н.Оюундарь Байгаль орчны яамны газрын дарга, Г.Шийлэгдамба аялал жуулчлалын газрын дарга, Я.Содбаатар ҮХ-ны дэд сайд, Б.Эрдэнэбат БХ-ын дэд сайд гэх зэргээр томилогдон огцом өндөр авсан даа, бид. Д.Бадраа агсан маань Санхүүгийн Зохицуулах хорооны дарга болсныг бүгд санаж байгаа.

Бидний араас хожим олон залуучууд МАСЗХ-гоор дэмжүүлэн албан тушаалд орсон. Нэг ѐсондоо холбоо маань албан тушаал руу үсрэх банз болон хувирсан юм. Бусдын талаар ярих сонирхол алга. Өөрийгөө л голлоѐ доо.
Үйлдвэр Худалдааны яамны төрийн нарийн бичгийн дарга болсноор өмнө маань маш их боломж нээгдэв. Бас маш их дарамт үүсэв. Ажлын талаар би яриагүй юм шүү. Залуу хүн бол ажилд нухлуулахаа юманд тооцохгүй ш дээ. Гол дарамт нь “албан тушаалын хаялга” гэж юмыг МАХН-ын удирдлагуудад, намайг төрийн нарийн бичгийн дарга болгосон хүмүүст байнга үзүүлж, ач санаж явах учиртай боллоо.

Намын дарга, Ерөнхий сайд болсон Н.Энхбаярын зүгээс намайг төрийн нарийн бичгийн даргаар томилоход бол шууд мөнгө төгрөг нэхээгүй, шаардаагүй юм. “Боловсролтой, хэлтэй залуустаа итгэл хүлээлгэж байгаа юм шүү. Хичээж ажиллааарай” л гэж байсан. Харин Сү.Батболд, талийгаач “Монроимпекс”-ийн У.Уламбаяр, Д.Тэрбишдагва, У.Барсболд нар бол түүнд нилээдгүй мөнгө хаяж байж сайд болсон гэдэг яриа нам дотор явдаг байсан. Тэд бол угаасаа мөнгөтэй, намайг бодвол албан тушаалаараа мөнгө олоод сурчихсан хүмүүс байсан болохоор тоодоггүй байсан шиг байгаа юм. Харин өөрийн гэх дорвитой бизнесгүй миний мэт хүмүүст энэ нь нэг төрлийн дарамт, дөнгө болон хувирсан.

2
. Засгийн газарт өндөр албан тушаал хашиж байсан бүх л хүмүүст ийм шаардлага тавигддаг байсан. “Ерөнхий сайд ийм тийм арга хэмжээг төдөн төгрөгөөр чамайг санхүүжүүл” гэлээ гээд нарийн бичгийн дарга, туслахууд нь хэлчихээд утсаа таслачихна. Тэгээд тэр мөнгийг нь олох гэж махтайгаа хатдаг байсан. Албаа аваад хоѐр сар хэртэй болсны дараачаас л ил дад янз бүрийн байдлаар мөнгө нэхэж эхэлсэн дээ. Ийм нөхцөлд арга буюу л авлига авах арга сүвэгчилж эхлэдэг юм билээ. Ингэж яваад л би хальтирчихсан юм. Намайг мөрийтэй тоглоомонд донтсондоо яамны хөрөнгөнөөс хулгайлсан гэх маягийн сурталчилгаа их явсан. Одоо хүн бүр итгэчихсэн биз дээ.

Үнэн хэрэгтээ бол албан тушаалынхаа төлөө өгөх татварт л би маш их мөнгө төлсөн. Тэр үед У.Хүрэлсүхийн Н.Энхбаяртай муудалцсаны цаад шалтгаан нь ч энэ байсан. Өнгөн дээрээ Ерөнхий сайдын эхнэр О.Цолмонтой таараагүй энэ тэр гэж ярьдаг ч цаагуураа бол Н.Энхбаярт “татвар” төлөх сонирхолгүй байсан юм. Энэ талаар надтай ч санал солилцож байсан.
Н.Энхбаярын цуглуулсан хөрөнгө бол тэр чигээрээ л ийм төрлийн татаас, бэлэг, хаялга, өргөл, хувь зэргээс бүрдсэн гэж хэлэхэд болно. Нөгөө нэг орлого нь хууль, шүүхийн хаалга татсан хүмүүсийн хэрэг. Шорон явах нь тодорхой болсон хүмүүсийг хэргээс чөлөөлөх нэрээр асар их мөнгө хийсэн дээ. Шударга бус байдал чинь нэг л өдөр бий болдоггүй. Алгуур идэж, уусгадаг юм байна даа гэж одоо л би ойлгож сууна.

Тун ойрхноос харж байсан хүний хувьд хэлэхэд Н.Энхбаяр бол цадах, ханахыг мэдэхгүй хүн. Тэгсэн хирнээ гар нь тэнийнэ гэж байхгүй. Болж л өгвөл өөрөөсөө мөнгө гаргахгүй шийдчих гэсэн, аргалчих гэсэн, бусдаар төлүүлчих гэсэн нэг тийм хандлагатай, их хачин гэр бүл санагддаг юм. Сү.Батболд, Д.Тэрбишдагва ах нарыг юм л бол шаналгаж байхыг би мэддэг юм. Харин У.Барсболд бол нэхүүлэлгүй, өөрөө сайн дураараа байж байгаад л мөнгө аваачиж өгч долигонодог байсан.
Н.Энхбаяр хэрэг нь дууссан гэж үзвэл жигтэйхэн ойр дотно байж, үй зайгүй явсан хүмүүсээ шууд л жийдэг. Ц.Түмэнгэрэлийн хэргийн дараа түүнийг танихаа болиод, юун хүн билээ? Гэж асуух маягтай болсныг бүгд санаж байгаа байх. Энэ л зангаас нь манай намынхан ихэд айж, жийрхдэг байсан.

Яахав, энэ бол өнгөрсөн түүх. Одоо би ард түмэндээ дараах зүйлийг анхааруулъя, сэрэмжлүүлье гэж бодоод зориглон бичиж байна. Би хүний газар, нуугдаж, айж эмээж амьдардаг гэлээ ч мэдээллийн технологийн ачаар эх оронтойгоо байнгын холбоотой байж үргэлж мэдээ, сурагтай байдаг.

2009 оны 4 дүгээр сарын 4-ний өдөр Ерөнхийлөгч Н.Энхбаяр Бээжин лүү яаран ниссэн, энэ нь хадам эхийнхээ биеийн байдалд санаа зовсноос болсон гэсэн утгатай мэдээлэл гарч нилээдгүй шуугиулаад авсныг бүгд санаж байгаа байх гэж найдаж байна. Үнэн хэрэгтээ юу болсон юм бэ? гэдгийг би хэлэх гэсэн юм.

Тэр өдрүүдэд Швейцарийн банкнуудын холбоо арилжааны банкнуудынхаа эхний улирлын тайланд үндэслэн олон улсад мөрдөгддөг журмын дагуу тэрбум доллараас дээш хадгаламж эзэмшдэг хүмүүсийн нэрсийн жагсаалтыг гаргаж, зарлахаар бэлтгэсэн байсан байна.

Тэд 2009 оны 4 дүгээр сарын 6-ны Даваа гаригт нийтэд зарлахаар төлөвлөж байсан юм байна.
Уг жагсаалтын 16-д нь 1,3 тэрбум долларын хадгаламж эзэмшигч О.Цолмон, Монгол гэж дурдагдсан нь манай Ерөнхийлөгчийн гэр бүл юм.

Н.Энхбаяр төлөөлөгчөөрөө дамжуулан уг жагсаалтаас эхнэрийнхээ нэрийг 6 сар болтол зарлахгүй байгаа ч гэж хүсэлт гаргасны дагуу Швейцарийн банкнуудын холбоо О.Цолмонгийн нэрийг зарлахаа түр азнаад байгаа юм байна.

Харин ирэх 6 сарын дундуур зарлагдаж дараа нь Forbes сэтгүүл дээр тусгайлсан нийтлэл бичигднэ. Зарлахгүй бол Швейцарийн банкнуудын холбоо хуулийн дагуу хариуцлага хүлээх учраас яалт ч үгүй зарлах ажээ. Тэд үйлчлүүлэгчиддээ болох гэж байгаа үйл явдлын талаар тогтмол мэдээлэл өгдөг. Тэр хүрээнд О.Цолмонд мэдэгдсэн байна. Сонгууль дөхсөн үед энэ нь ямар осолтой мэдээлэл болохыг О.Цолмон ойлгож байсан ч банкинд нөлөөлж чадсангүй.

3.
Иймд Н.Энхбаяр ямар ч байсан сонгууль өнгөртөл зарлуулахгүй байх хэрэгтэй гэж үзээд улсын Ерөнхийлөгчийн нэр барин, өөрийн биеэр очиж нөлөөлөхөөр Бээжин лүү яаран ниссэн нь тэр юм.
Тэрээр Бээжин дэхь Swiss Credit банкны салбарт очин хүсэлтээ гаргаснаар ямар ч байсан эхний удаад зарлуулахгүй байж чадсан байна. Ингээд хадам эх өвдсөн тухай үлгэр үүсэж, анхаарал сарниулах үүднээс утга учиргүй шуугиан гаргасан бололтой юм.

О.Цолмонгийн Швейцарийн Swiss Credit банкин дахь хадгаламжийн дансны дугаар SCB 45378MG80009L12. Дансны үлдэгдэл 1.3 тэрбум доллар (3 их наяд төгрөг буюу монгол улсын жилийн төсөв) гэдэг нь удахгүй зарлагдана.


Тэр үед намайг худлаа хэлээгүй гэдгийг та бүхэн мэдэх болно. Энэ мөнгө бол миний дээр хэлсэнчлэн албан тушаал олгосныхоо шан харамж, авлигаас олсон, гэмт хэргээс чөлөөлснийхөө төлбөрт авсан, 2000 оноос хойш хураасан бүхий л хөрөнгө нь юм.

Монгол улсын хуулийн дагуу Ерөнхийлөгчийн эхнэр ч гэсэн хөрөнгө орлогын мэдүүлгээ Авлигатай тэмцэх газарт гаргах ѐстой. Гэтэл АТГ-ын вэб хуудаснаас О.Цолмонгийн мэдүүлгийг хайгаад олсонгүй. Тэгэхээр хөрөнгө орлогын мэдүүлгээ гаргалгүй, хууль зөрчөөд суугаагийн цаад учир нь энэ хадгаламжтай л холбоотой. Хэрвээ худлаа мэдүүлбэл хуулийн хариуцлага хүлээх учраас Ерөнхийлөгч өөрийн эрх мэдлээр далайлган АТГ-ыг нам дарж байдаг бололтой юм.
Интернетэд тавигдсан мэдээллүүдийг харж байхад өнөөдөр Монгол улсын гадаад валютын нөөц 300 сая доллар хүрэхгүй байна. Харин Ерөнхийлөгчийн швейцарь дахь дансанд 1,3 тэрбум доллар байна. “Улсаасаа баян Ерөнхийлөгч” гэж бичигдээд байгаагийн учир энэ юм шүү.

Би Б.Болдсайхан эмчийн бичсэн “5 сарын 24″ өгүүллийг уншаад уйлсан. Бүр цурхиртал уйлсан. Н.Энхбаяр гэж хүний сувдаг сэтгэлийн золиосонд олон хүн өртсөний нэг би юм шүү. Ц.Түмэнгэрэл, Д.Бадраа, Ц.Чимэдцэрэн, У.Хүрэлсүх, Н.Дэмбэрэл гээд олон залуучууд энэ хүний балгаар өнөөдөр цааз авах нь авж, бусдад алагдах нь алагдаж, шоронд суух нь сууж, бууж өгөх нь өгсөн.

Би 5 сарын 24 -нд Элбэгээ ялбал нутагтаа очно. Заавал очно. Би өөрийн биеэр хуулийн байгууллагад очин бүх үнэнийг ярина. Тэр цагт миний ард түмэнд намайг ууч сэтгэлээр тосох, өрөвч нүдээр харах орон зай үлдсэн байх болвуу гэж найдахдаа, шударга ѐсны төлөөх үйлст өөрийнхөө хувь нэмрийг оруулах гэхдээ үүнийг бичлээ.
Ухаант ард түмэн минь өршөөн соѐрх! Уучил хүүгээ, эр нэг алддаг юм, эрэг нэг нурдаг юм.

Монгол орноо үргэлж хайрлаж, сэтгэлдээн тээж явдаг өөдгүй муу Д.Сүрэнхор.

2009 оны 5 дугаар сарын 15

Sunday, May 17, 2009

Буйр нуурт 20км 300м сэлсэн минь (2 видео)

Буйр нуурт 20км 300м сэлсэн минь (2 видео)

http://www.youtube.com/watch?v=4z0bV6SjLMY

http://www.youtube.com/watch?v=hNt_Bgt31tM&feature=channel_page
-ийг сонирхоорой

Хэдийгээр 2007 оны 8 сард сэлсэн боловч тухайн үед сонирхогчийн камераар авсан видео файлаасаа багахан хэсгийг нь youtube-д сая л орууллаа. Удахгүй 15-20 минутын кино маягийн юм хийнэ.

Шилдгийн шилдгйин шилдэг Number One авилгалчин шиг мөнгөтэй, эрх мэдэлтэй бол ч аль хэзээ спортын мастер цол болон элдэв гуншинтай болох байсан байх.

http://www.youtube.com/a59go -д одоо би сонирхолтой видео тавьж байх болноо